श्री हनुमान जन्मोत्सवामित्त मंगळग्रह मंदिरात विशेष पंचामृत अभिषेक
अमळनेर :
येथील मंगळग्रह मंदिरात श्री हनुमान जन्मोत्सवानिमित्त २३ एप्रिल रोजी पहाटे ४ ते सकाळी ६.२० या वेळेत मंगळेश्वर पंचमुखी हनुमानाच्या मूर्तीवर मुख्य यजमान जळगावचे माजी उपमहापौर डॉ. आश्विन सोनवणे, सुपरिचित बांधकाम व्यावसायिक इंजि.राहुल सोनवणे, ऍड. अमित सोनवणे व सूर्या सोनवणे यांच्या शुभहस्ते विशेष पंचामृत महापूजा करण्यात आली.
प्रारंभी सर्व मुख्य यजमानांनी गणेशपूजन केले. त्यानंतर मंगळेश्वर पंचमुखी हनुमानाच्या मूर्तीवर पंचामृत करण्यात आला. त्यानंतर विधीवत हनुमान जन्मोत्सव सोहळा झाला.यावेळी रामरक्षा स्तोत्र, हनुमान चालिसा पठण तसेच भाविकांकडून पुष्पवृष्टी होऊन पाळणा हलवत भक्तिमय व मंगलमय वातावरणात ‘श्रीराम जय राम जय जय राम’, ‘संकटमोचन हनुमान की जय’, असा जयघोष करण्यात आला. त्यानंतर महाआरती होऊन रात्री उशिरापर्यंत भाविकांना विशेष तीर्थप्रसादाचे वाटप करण्यात आले.
मंगळग्रह मंदिराचे पुरोहित प्रसाद भंडारी यांनी पौरोहित्य केले. त्यांना जयेंद्र वैद्य, अतुल दीक्षित, मंदार कुलकर्णी, गणेश जोशी, शुभम वैष्णव, अक्षय जोशी यांनी सहकार्य केले.
मंगळग्रह सेवा संस्थेचे अध्यक्ष डॉ. डिगंबर महाले, उपाध्यक्ष एस.एन.पाटील, सहसचिव दिलीप बहीरम,विश्वस्त अनिल अहिरराव , प्रकाश मेखा यांच्यासह सेवेकरी आशिष चौधरी तसेच भाविक मोठ्या संख्येने उपस्थित होते. #amalner #maharashtra #maharashtraunlimited #gujratitourism #mangal #ayodhya #dhulia #hindutemple #jalgaon

*कर्तव्यतत्परता दाखविणाऱ्या वीज कर्मचाऱ्यांचा मंगळग्रह सेवा संस्थेतर्फे सत्कार*

अमळनेर :


शहरात नुकतीच वादळी वाऱ्यासह मोठ्या प्रमाणावर गारपीट झाली. यामुळे शहरासह अनेक गावांतील घरे, दुकाने,शेती उत्पादने व अनेक झाडे उन्मळून पडली, तसेच ताराही तुटल्याने मोठ्या प्रमाणावर नुकसान होऊन वीजपुरवठा खंडित झाला होता. त्यामुळे संपूर्ण जनजीवनावर मोठा परिणाम होऊन शहरवासीयांना पाण्यासह अनेकविध अडचणींना सामोरे जावे लागले. मात्र याचवेळी शहरातील १३२ के. व्ही. क्षमता असलेल्या वीज उपकेंद्रातील कर्मचाऱ्यांनी आपल्यातील कर्तव्यतत्परता दाखवत अतिशय कमी कालावधीत शहरातील पुरवठा सुरळीत करून शहरवासीयांचे जनजीवन पूर्वपदावर आणले.

या कामगिरीची मंगळग्रह सेवा संस्थेने गंभीरतेने दखल घेऊन आपण समाजाचे देणे लागतो, या सामाजिक जाणिवेचा पुनश्च प्रत्यय आणून देत मंगळग्रह सेवा संस्थेचे अध्यक्ष डॉ. डिगंबर महाले यांच्या मार्गदर्शनाने १७ एप्रिल रोजी संबंधित वीज उपकेंद्रातील कर्मचारी अनुक्रमे प्रशांत नेमाडे (अतिरिक्त कार्यकारी अभियंता), हेमंत सैंदाणे (सहाय्यक अभियंता, शहर कक्ष क्र. १), निलेश कुळसुंगे (सहाय्यक अभियंता, शहर कक्ष क्र. २), दीपक बि-हाडे, योगेश पाटील, आकाश वाडीले, हरी शेळके (चौघे वरिष्ठ तंत्रज्ञ), विवेक बि-हाडे (विद्युत सहाय्यक), प्रवीण चौधरी, नजीम खाटीक, निखिल पाटील, रुणाल पाटील (चौघे तंत्रज्ञ) व संतोष महाजन (चालक) यांचा संस्थेचे उपाध्यक्ष एस. एन. पाटील व सचिव एस. बी. बाविस्कर यांच्यासह सेवेकऱ्यांच्या उपस्थितीत यथोचित हृद्य सत्कार केला. त्यानंतर संबंधित सर्व वीज कर्मचाऱ्यांनी श्री मंगळग्रह मंदिरात श्रीरामनवमीनिमित्त आयोजित प्रभू श्रीरामचंद्रांच्या जन्मदिन पूजास्थळी भेट देऊन दर्शनाचा लाभ घेतला. तसेच श्री मंगळग्रह देवतेचेही मंदिरात जाऊन दर्शन घेतले. आकस्मिकपणे पार पडलेल्या या हृद्य सत्कार सोहळ्याने संबंधित वीज कर्मचारी भारावले.

कोट

मंगळ ग्रह सेवा संस्थेने आमचा केलेला सत्कार हा #amalner #gujratitourism #maharashtra #maharashtraunlimited #dhulia #hindutemple #jalgaon #mangal #ayodhya साक्षात ईश्वरीय आशीर्वाद आहे . येणाऱ्या काळात लोकसेवेसाठी या सत्कार्याची ऊर्जा आम्हास विशेष जोम व जोश देईल.

-टी. एच. नेमाडे
अतिरिक्त कार्यकारी अभियंता
राज्य वीज वितरण महामंडळ

*श्रीरामनवमीनिमित्त श्री मंगळग्रह मंदिरात प्रभू श्रीरामचंद्रांचा जन्मदिवस साजरा*

अमळनेर :

येथील श्री मंगळग्रह मंदिरात श्रीरामनवमीनिमित्त दरवर्षीप्रमाणे प्रभू श्रीरामचंद्रांचा जन्मदिवस अतिशय भक्तिमय आणि चैतन्यमयी वातावरणात साजरा झाला.

याप्रसंगी मंदिरात प्रभू श्रीरामचंद्रांच्या प्रतिमेची आरास करण्यात आली. तसेच प्रभू श्रीरामचंद्रांचा पाळणा विविध फुलांनी आकर्षक पद्धतीने सजविण्यात आला होता.
शहरातील लकी-अनुष्का ॲडव्हर्टायझिंग एजन्सीचे संचालक मंगेश महिंद हे सपत्नीक महापूजेचे मानकरी होते. त्यांच्या शुभ हस्ते गणपती पूजन, वरुणदेवता पूजन झाले. प्रभू श्रीरामांच्या मूर्तीवर मंत्रोचारासह विविध मंत्रोचारात अभिषेक होऊन मूर्ती पाळण्यात ठेवण्यात आली. त्यानंतर पाळण्यातील मूर्तीचे पूजन होऊन दुपारी बारा वाजता प्रभू श्रीरामचंद्रांचा पाळणा म्हटला गेला. यावेळी प्रभू श्रीराम नामाचा जयघोष करीत विविध स्तुतीपर गीते गायिली गेली. त्यानंतर गणपती व श्रीरामांची महाआरती होऊन भाविकांना प्रसाद वाटप करण्यात आला.
मंगळग्रह मंदिराचे पुरोहित जयेंद्र वैद्य, अतुल दीक्षित, गणेश जोशी, मंदार कुलकर्णी, अक्षय जोशी यांनी पौरोहित्य केले.
मंगळग्रह सेवा संस्थेचे अध्यक्ष डॉ. डिगंबर महाले, उपाध्यक्ष एस. एन. पाटील, सचिव एस. बी. बाविस्कर यांच्यासह मंगल सेवेकरी प्रकाश मेखा, पुषंद ढाके व भाविक मोठ्या संख्येने उपस्थित होते. viral,#amalner #gujratitourism #maharashtra #maharashtraunlimited #dhulia #hindutemple #jalgaon #mangal #ayodhya #maharashtrawedding

*श्री मंगळग्रह मंदिरात चैत्र नवरात्रोत्सवानिमित्त अष्टमी हवन पूजन*

अमळनेर : येथील ख्यातनाम श्री मंगळग्रह मंदिरात दरवर्षीप्रमाणे चैत्र नवरात्रोत्सवानिमित्त अष्टमी हवन पूजेचे आयोजन करण्यात आले. मंगरूळ (ता. अमळनेर) येथील शिक्षक राजेंद्र श्रीराम पाटील हे सपत्नीक पूजेचे मानकरी होते.

हिंदू शास्त्राप्रमाणे नववर्षाची सुरूवात चैत्र मासापासून होत असते. त्यात चैत्र महिन्याच्या नवरात्रीला विशेष महत्त्व असते. त्याचे औचित्य साधून मंगळवार, १६ रोजी विधिवत अष्टमी हवन पूजन करण्यात आले.
यावेळी गणपती पुण्यावाचन, गौर्यादि मातृकापूजन, सर्वतोभद्र मंडल पूजन, सूर्यादि नवग्रह पूजन तसेच ईशान्य रुद्र पूजन करण्यात आले. त्यानिमित्त श्री भूमीमातेच्या प्रतिमेची आकर्षक पद्धतीने सजावट करण्यात आली होती. त्यामुळे मंदिर परिसरात भक्तिमय व चैतन्यमय वातावरण निर्माण झाले होते.
मंदिराचे पुरोहित प्रसाद भंडारी आणि जयेंद्र वैद्य यांनी पौरोहित्य केले. यावेळी मंगळग्रह सेवा संस्थेचे उपाध्यक्ष एस. एन. पाटील, सचिव एस. बी. बाविस्कर, सहसचिव दिलीप बहिरम, खजिनदार गिरीश कुलकर्णी, विश्वस्त अनिल अहिरराव, सेवेकरी प्रकाश मेखा यांच्यासह भाविक मोठ्या संख्येने उपस्थित होते. #amalner #gujratitourism #maharashtra #maharashtraunlimited #dhulia #hindutemple #jalgaon #mangal #ayodhya #maharashtrawedding

श्री मंगळ ग्रह मंदिरात ५१ फुटी महामंगल गुढी

अमळनेर : येथील ख्यातनाम मंगळ ग्रह मंदिरात मंगळवारी जर गुढीपाडवा असेल तर ५१ फुटाची महामंगल गुढी उभारण्यात येते.यावर्षी शहरातील सचिन ड्रेसेसचे संचालक प्रवीण मोरे यांनी सपत्नीक विधिवत गुढीचे पूजन केले. याप्रसंगी मंगल वाद्यासह शंखनाद व श्रीराम नामाचा जयघोष करण्यात आला. त्यानंतर मंदिर परिसरात दत्त भगवान व अनघा माता यांच्या मंदिराजवळ चौथर्‍याचे भूमिपूजन करण्यात आले. या भूमिपूजनाचे जळगावातील भाविक किशोर बोंडे सपत्नीक मानकरी होते. तसेच स्वच्छतागृहाचेही भूमिपूजन करण्यात आले. शेगाव येथील भाविक विद्याधर महादेव बारद्धे, सदाशिव शामराव बारद्धे, छत्रपती संभाजी नगरातील भाविक सत्यजित वसंतराव देशमुख, शिरपूर येथील भाविक हिरालाल गोविंद चौधरी यांनी हे भूमिपूजन केले.मंदिराचे पुरोहित जयेंद्र वैद्य, तुषार दीक्षित, गणेश जोशी यांनी पौरोहित्य केले. यावेळी मंगळग्रह सेवा संस्थेचे उपाध्यक्ष एस. एन. पाटील, सहसचिव दिलीप बहिरम, विश्वस्त अनिल अहिरराव, डी.ए. सोनवणे, सेवेकरी पुशंद ढाके तसेच भाविक मोठ्या संख्येने उपस्थित होते. #amalner #jalgaon #maharashtraunlimited #gujratitourism #hindutemple #maharashtra #mangal #dhulia #ayodhya #maharashtrawedding